...Гуйлт

...Дарсны аагаар зүрхээн онгойлгоод
Даруу зангаа нэгтээ мартчихаад
Тархины чадал хүрэхгүй байгаа бүхнийг
Тандаа, цөмийг нь, үлдээлгүй ярихсан.
...Хэн хүнээс нууж хуримталсан нулимсаа
Харцны тань аясаар зоргоор нь урсгаж
Хэлж чадаагүй залгисан бүхнээ
Хүнлэг сэтгэлд тань юүлж тайтгарах сан.

...Будилж, тээнэгэлзэж, буцаж, эргэсээр
Бүдэгхэн замын уулзварт дэндүү удлаа.
Эргэж харахдаа инээмсэглэх ирээдүйг
Итгэж тандаа даатгахыг хүснэм, надад туслаач...