Wednesday, January 30, 2008

...'Яв даа, хөвгүүн минь яв
Янзгүйхэн хайраа зүрхэн дээрээс ав'
Яруу сайхан биш энэ л мөрүүд
Яагаад ч юм нүдэнд тусчихлаа.
...Уруул давамгүй хагацлын үгсийг
Урьтаж би хэлэх ёстой юм уу.
Хүсэвч бүтэхгүй заяагаа дагаж
Хөрчихсөн нурмыг үлээхээ болих уу...

Monday, January 28, 2008

..Таньдаа

... Сэмхэн таны тухай би мөрөөддөг
Сэтгэлдээ минийх гэж шивнэдэг ч
Сэрүүн зүүд л байдаг.
...Зөөлхөн хоолойг тань сонсоод
Зөндөөн их сандардаг ч
Зүрх минь таных байдаг.

Tuesday, January 22, 2008

...Эрхэмээд

...Нүд чинь ямархан өнгөөр гэрэлтэхийг
Нөгөөх инээмсэглэл чинь хэвээрээ эсэхийг
Зүүдэнд ирдэг төрх чинь хэр зөрөхийг
Зүрхэнд чинь миний мөр үлдсэн үгүйг МЭДЭХСЭН...
Далай шиг, сэтгэлд цалгих дурсамжийн
Дусал... чамд үлдсэн болов уу.
Дандаа санаж үгүйлдэг хайрыг
Дэвтэртэй минь хамт мартсан болов уу, ЭСВЭЛ...

Wednesday, January 16, 2008

...миний хөрөг

...Цав цагаан өнгөөр дүрсагдахгүй ээ, би
Цаг хугацаа шиг, манан, сүүдэр шиг
Цайвгар, саарал, сүүмгэр, сиймхий
Цэгээхэн өнгөөр намайг дүрсэлбэл
...Эртний анд ч, заяаны хань минь ч
Энгүүн нэг замын танил ч
Эргээд чи өөрөө, бас би
Энэ БИ мөн гэж танина...

Sunday, January 13, 2008

Нэгэн дуу

...You, do you remember me
Like i remember you...
...Somebody want you
Somebody need you
Somebody dreams about you....
..Somebody's me.



Saturday, January 5, 2008

...Диско...

...Чиний нүд над дээр унаг хамаагүй
Цэмцгэр бүсгүйчүүд сэмхэн шивнэлдэг хамаагүй
Царай минь хөлөрч, халууцаж улайг хамаагүй
Чанга хөгжим, дэгжин хэмнэлд би уусна

...Бэлхүүс нарийн, хөл тэгш
Бүсгүй хүн бүжиглэж байна, харцгаа
Бараан саарал амьдралыг өнгийн гэрлээр сүлж
Бүтээгүй бүхэн хөл дор гишгэгдлээ, диско мандтугай...
...Бүүдгэр өдөр ч нүдэнд минь туяа татдаг
Бүүр шөнө ч зүрх минь галтай байдаг
Хамаг учир нь таны минь сэтгэл
Харц, халамж, халуухан уруул, зөөлөн тэврэлт