...өөртөө

...Инээмсэглэлийн очис цуглуулж
Итгэл дүүрэн алх
Эрмэлзэл тэмүүлэл бадрааж
Энгийн өөдрөг амьдар
...Урам зоригийн далайгаас
Чадлын хэрээр хундгал.
Урсах цаг хугацааг
Чагнаархаж анзаарч хадгал.
...Эмзэг хайрын цэцэгсийг
Түрүүлж өөрөө үрслүүл
Эргүүлж чадахгүй хормуудыг
Түүртэж бүү өнгөрүүл.

...амьд

...Хайлах сэтгэлтэй би амьд
Харамсах алдаатай би амьд
Шимшрэх зүрхтэй би амьд
Шинэчлэх чадалтай би амьд
...Гашууныг мэдрэх би амьд
Гансарч эргэх би амьд
Хатуужиж сөрөх би амьд
Хальширч сөгдөхгүй л бол би амьд...