Wednesday, October 29, 2008

НҮД


...Чамайг, нарыг, бусдыг хардаг, бас уйлдаг нүд
Чанх дотогшоо, өөрийгөө л хараагүй.
Чин үнэнч хайр гэх мэт, гоё үгст хөгждөг сэтгэл
Чиний,хэн болохыг, хайргүй гэдэгээ хэзээ хойно ойлгосон.
...Тэгээд ганцаардал миний аз жаргал, хань, харц болсон
Тэнэг, ёс суртахуунгүй, гэнэтхэн гарч ирсэн өөртөө би дурласан
Тийм ээ, хэн ч мэдэхгүй, ойлгохгүй, хэлээд өгөхгүй бүхэн
Тэндээс, эндээс, хаанаас ч биш, зөвхөн энэ нүднээс...

АМТТАЙ

...Гамгүй өнгөрүүлсэн өдрүүдийн хойноос
Унагалгүй, гамнасан нулимс аагтай.
Ганцаардаагүй ч шаналсан хоногуудын төлөө
Уйдамгүй, ганцаардлыг одоо амтархана.

Tuesday, October 28, 2008

ӨНӨӨДӨР

...Урт, саарал өдөр
Уйтгартай, хүнд агаар
Жин, хоёр дахин нэмэгдээд
Жигтэйхэн, энэ би биш
...Зүрх, зүүрмэглэчихсэн
Ухаан, унтчихсан
Мэдрэмж, мөхчихсөн
Миний ертөнц, сөнөчихсөн.

Wednesday, October 22, 2008

ЦАСАН


...Цав цагаан өнгө нь хувирч газарт шингэх
Цасны амьсгал агаарт үлдэж.
Цантай амьсгалыг би залгилж...
Цэнгэг, сэрүүн гэж юу болохыг мэдрэх...

Monday, October 6, 2008

...

...Гудамжны өнчин дэнлүүтэй
Гунхах сүүдэр минь ханьсана
Гуравхан алхмын цаана, харанхуйгаас
Гудиггүй ганцаардал намайг ширтэнэ
...Цэлмэг тэнгэрийн оддоор шившихэд
Цээжинд минь мөрөөдөл буцлана
Цэх, шулуун,яарамгүй алхаагаар
Цэрвэм харанхуйг өнгөрсөн рүү үднэ ...